• Hvørji ergoterapeutisk tilboð eru nú til tey børn, sum hava havt gagn av einasta barnaergorterapeutiska í tilboðnum í Føroyum?
• Hevur landsstýrismaðurin nakrar ítøkiligar ætlanir á barnaergoterapeutiska økinum?
• Um ja, nær gerast tær veruleiki?
• Á hvønn hátt ætlar landsstýrismaðurin at tryggja, at tann sergreinin og servitanin, sum barnaergoterapi er, ikki hvørvur?
Vit mugu nú sanna, at 100-tals børn sum hava havt gagn av ergoterapeutiskari viðgerð, tykjast slept upp á fjall.
Enn er ikki eydnast at gera ein sáttmála millum Heilsutrygd og Ergoterapeutfelagið. Staðfest er nú eisini, at einasta barnaergoterapeutiska tilboðið í Føroyum letur aftur.
Mannagongdin í hesum máli undrar spyrjaran stórliga. Í 2009 fingu á leið 100 børn ergoterapeutiska viðgerð, síðani økið bleiv merkt av manglandi politiskari raðfestin er talið minkað niður í ein triðing.
Vit hava ikki serstovnar til hesi børn og ergoterapi var eitt av sera fáum viðgerðartilboðum til júst hesi børn. Í løtuni er líkt til, at hesi børnini missa eitt av fáu viðgerðartilboðunum vit hava. Bæði børn og foreldur kenna sviðan, og hetta fer at ávirka lívsdygdina hjá fleiri hundraðtals føroyingum.
Børnini sum higartil hava havt gagn av ergoterapeutiskari viðgerð er eru serliga børn sum:
• eru spastisk lamin
• eru fjølbrekað
• hava Downs Syndrom
• hava sansaintegratiónstrupulleikar: eru t.d. órólig, aggressiv, hyperaktiv, inniloka
• hava niðursettan munn –og andlitsmotorikk
Barnaergoterapi er eitt sergreinaøki, sum ergoterapeutar fáa førleika til eftir drúgvar royndir, skeið, lesnað og vitan frá serfrøðingum. Vandi er nú fari, at henda servitanin verður spjødd í allar ættir – ein stórur missur fyri børn, familjur teirra og fakligu førleikarnar hjá ergoterapeutunum.
