Vit kunnu gleðast um, at arbeiðsloysið í Føroyum er sera lágt, hetta ger, at nógv útlendsk arbeiðsfólk eru her og arbeiða ófaklært arbeiði.
Í Føroyum eru nógv fólk, sum av ymsum orsøkum ikki klára at arbeiða fulla tíð, ella sum skulu hava meiri vegleiðing á arbeiðsplássinum enn vanligt er.
Hesi fólk eru eitt stórt óbrúkt tilfeingi fyri land okkara, tí tey kundu verið á arbeiðsmarknaðinum í vardum størvum.
At hava eitt arbeiði at fara upp til økir um lívskvalitetin, tú fært kensluna av at hoyra til samfelagið, fært starvsfelagar og kemur í samband við nógv fólk.
Vit hava eina góða skipan við serbreytum í skúlanum, nú skulu vit fáa fleiri av teimum næmingunum út á arbeiðsmarknaðin eftir lokna skúlagongd.
Samfelagið verður nógv ríkari, tá vit øll, við okkara ymiskleikum, møtast úti á arbeiðsmarknaðinum.
Um vit uppraðfesta skipanina við vardum størvum fáa vit
· Starvsfólk til størv í vinnum, har arbeiðsmegi manglar.
· Fólk við øktum lívskvaliteti, tí tey sleppa til arbeiðis.
· Eitt fjølbroyttari samfelag.
· Minni tørv á útlendskari arbeiðskraft.
Hesum vil eg arbeiða fyri
Fyri teg, meg og Føroyar, eisini teimum við ymsum avbjóðingum.
Hendrik Egholm
Valevni fyri Tjóðveldi
.jpg)
