Í ár hevur Tjóðveldi formansskapin, og árligi fundurin millum formenn og skrivarar í flokkunum verður hildin í Føroyum fríggjadagin 7. januar í Løgtinginum.
Floksformenn og onnur umboð fyri flokkarnar, sum taka lut á fundinum verða:
- Steingrímur J. Sigfússon, formaður í Vinstra-grøna flokkinum í Íslandi og fíggjarmálaráðharri Íslands
- Kristin Halvorsen, formaður í norska SV, fíggjarmálaráðharri í Noregi frá 2005-2009 og núverandi undirvísingarmálaráðharri (Kunnskapsminister) í Noregi
- Lars Ohly, formaður í svenska Vänsterpartiet
- Juliane Henningsen, næstformaður í grønlendska Inuit Atagatigiit og limur í grønlendska landstinginum og danska Fólkatinginum
- Emilie Turunen, limur í Evropaparlementinum fyri danska SF
- Høgni Hoydal, formaður í Tjóðveldi
Á fundinum verða leiklutirnir og avbjóðingarnar hjá vinstragrønu flokkunum í Norðurlondum og Evropa umrøddir, við serligum atliti til royndirnar av fíggjarkreppuni, veðurlagspolitikk, tilfeingisumsiting, vinnulívspolitikk og vælferðarskipanir.
Tjóðveldi
