Lýsing

Katrin Einarsson Jacobæus

Vælkomin á mína heimasíðu

  • Mítt allarstørsta hjartamál er at gera mun hjá fólki, sum eru førleikaskerd. Hugsað verður um atkomumøguleikar, vardar íbúðir, uppvenjing og alt, sum skal til fyri at fáa lívið at hanga saman.
  • Alternativar og betri búðstaðir til ung, eldri og familjur – fyri ein rímiligan penga. Í Havn er ein fastlæstur hugsanarháttur, hvussu vit búgva. Hesum ætli eg mær at bjóða av. Tá ið vit byggja, eiga vit altíð at hugsa, hvussu hesin bygnigurin kann húsa fólki, sum ikki fáa gingið, um tey, sum ikki hava ráð, tey sum eru einlig, tey sum eru gomul. Og ikki minst eigur tann grøna leiðin at verða hildin, bæði til inniumhvørvi, og hvussu útiøkið kann nýtast hjá fólki.
  • Havnin skal fríðkast við grønum økjum, sum skula vera kveikjandi at nýta. Tað skal vera ein sjálvfylgja hjá øllum havnarfólkum at nýta útilívið, uttan at vera órógvað av bilosi. At nýta miðbýin, viðarlundirnar, lendisgøturnar og Sandagerð sum ein náttúrligan part av gerandisdegnum.

 

  • starvist dagliga á Landssjúkrahúsinum sum fysioterapeutur og havi serliga ábyrgdina av uppvenjing av børnunum í øllum Føroyum.

 

  • Eins og nógvar aðrar familjur, búgva vit í einum gomlum húsum, sum kostaðu meir, enn tey eru verd. Eins og nógv onnur, eru vit farin undir at umvæla alt í okkara gomlu dýru húsum, sum annars stóðu til at forfalla, og liva fyri tað, sum bankin kallar “stramt”. Hóast góðar, vanligar miðalinntøkur hjá tveimum hava vit ikki meir at liva fyri, enn tá ið vit livdu av SU – eins og aðrar barnafamiljur í Havnini, sum hava sett búgv.

 

  • Frítíðin verður brúkt saman sum familja, at umvæla húsini og sum fimleikaleiðari. Eisini havi eg bloggin Mammasta á Kvinnu, sum er ein bloggur um tað triviella familjulívið.

 

Bakgrund

Eri uppvaksin í Havn og havi í skiftum búð í Keypmannahavn, inntil longsulin til Føroya dró meg heimaftur.

Í Danmark havi eg lisið til fysioterapeut og havi starvast á klinikk, við eldrarøkt og á barnaøkinum. Afturflutt til Føroya fór eg undir mína egnu fyritøku sum barnaterapeutur og hevði eitt skifti ein nethandil við motorisk stimbrandi leikum.

 

Í mínum núverandi starvi havi eg ábyrgd av barnauppvenjing, umframt at eg – saman við mínum starvfeløgum – røki uppvenjing á medisinsku deildunum á Landssjúkrahúsinum. Eisini havi eg stundum undirvísing á Setrinum fyri sjúkrarøktarfrøðingum og fyrilestrar í barnagørðum fyri námsfrøðingum og foreldrum.

 

Mín frítíð gongur við náttúrulívi, umbygging og famliju.

 

Eg eri gift við Sjúrði Jacobæus, anlegsgartnara og stjóra í Hjálpirót, og vit eiga døturnar Lív (2014) og Rakul (2017) og kettuna Findus Emil

 

Fødd 21. mai 1981                                                                   

Hjúnarfelagi: Sjúrður Jacobæus

Døtur: Lív (2014) og Rakul (2017)

Útbúgving: Fysioterapeutur

Yrki: Fysioterapeutur á Landssjúkrahúsinum

Heimstaður: Tórshavn

Tlf. 503860

T-bústaður: katrinrura@gmail.com

X