Nevndin í Suðuroyar Tjóðveldisfelag afturvald
Sunnudagin 16. august hevði Suðuroyar Tjóðveldisfelag aðalfund og 1. uppstillingarfund.
Nevndin varð afturvald og heldur óbroytt fram.
Bárður Gunnarstein Nielsen, formaður
Sirið Brattaberg Evaldsdóttir, næstforkvinna
Finnbjørn Hovsgarð, kassameistari
Anna Brattaberg, nevndarlimur
Dennis Holm, nevndarlimur
Bárður Gunnarstein Nielsen bleiv valdur í aðalstjórnina.
Kjakið á fundinum snúði seg mest um seinastu veljarakanningina og hvussu okur arbeiða víðari sum flokkur.
Tað var eitt greitt ynski á fundinum, at okur arbeiða víðari við niðurstøðunum, sum blivu gjørdar á arbeiðsdegnum, sum var í Marghøllini í Vági.
Eisini er tað alneyðugt, at flokstingið verður so skjótt sum almennu korona tilmælini loyva tí.
1. uppstillingarfundur
Uppstillingarfundur var eisini hildin sunnudagin og hava okur higartil fingið 7 fólk á listan til býráðsvalið í Vági.
Miðað verður eisini eftir at manna ein lista á Tvøroyri næstu dagarnar, og væntandi verður 1. uppstillingarfundur á Tvøroyri um mánaðarskifti.
Vegna nevndina
Bárður Gunnarstein Nielsen, form.
