Eg eri 35 ára gamal, pápi, maki og stilli upp, tí eg trúgvi, at politikkur skal geva fólki veruligt frælsi í gerandisdegnum. Fyri meg snýr tað seg um rættvísi, javnstøðu og sjálvsræði - um rættin at liva sítt egna lív á egnum treytum.

Eg havi verið virkin í almenna kjakinum um fosturtøku, tí eg haldi, at eingin skal fáa sjálvsavgerðarættin tiknan frá sær. Samstundis lesi eg master í samfelagsvísindum, har eg havi arbeitt nógv við spurningum um ójavna og sjálvsræði - kynsligan, búskaparligan og sosialan.

Eg stilli upp, tí sjálvsræði ikki bara snýr seg um rættindi á pappíri, men eisini um veruligar møguleikar í lívinum. Tú ert ikki veruliga frælsur, um tú ikki hevur ráð at standa á egnum beinum. Tí vil eg bæði verja tey rættindi, vit hava vunnið, og arbeiða fyri einum samfelagi, har fleiri fáa møguleikan at liva sjálvstøðugt og virðiliga.