Revsingin fyri kynslig brotsverk er ov lin, og skal herðast beinavegin.
Vit frætta í miðlunum um dagarnar, at Landsrætturin í einum dómi um neyðtøkumál sigur, at herðingin í lógini, sum varð gjørd í Danmark í 2016 ikki er galdandi í Føroyum.
Hví so er, dugi eg ikki at siga. Men tað skal ongin ivi vera um, at kynslig brotsverk skulu hava harða revsing.
Tí fari eg at leggja uppskot fyri tingið um at herða revsingina fyri kynslig brotsverk.
Beinta Løwe
Løgtingskvinna,
Tjóðveldi