Gagnnýta smádriftsfyrimunir
Heldur enn at síggja tað sum ein vansa at vera lítið land við lítlari fyrisiting, skulu vit síggja hetta sum ein fyrimun. Tí hetta gevur møguleikar. Ikki stórdriftsfyrimunir – men smádriftsfyrimunir.
Tað er munandi lættari og skjótari at venda einum útróðrarbáti enn einum stórum ferðamannaskipi. Um vit skipa okkum rætt kunnu vit ganga á odda við skjótt at tillaga okkum til nýggjar avbjóðingar og nýggjan tørv – heldur enn at ganga aftaná.
Fyrisitingarnýskipan
• Skipa almennu fyrisitingina á einfaldan og gjøgnumskygdan hátt.
• Leggja líknandi virksemi í somu eind - taka burtur dupultfunktiónir og samskipa felagsvirksemi.
• Skapa eitt betri fakligt umhvørvi fyri starvsfólk, tí starvsfólk við líknandi uppgávum verða savnað.
• Tryggja at skipanin er skjót at tillaga, tá nýggjar avbjóðingar krevja hetta.
• Felags innkeyp og greiðan útboðspolitikk.
• Fáa sum best tænastu fyri játtanina, ið er tøk.
• Gera eina skipan, ið er hóskandi til 49.000 íbúgvar – ikki til grannalond okkara.
Tað eru vit sum búgva í Føroyum, ið hava ábyrgdina av, at skipa okkara samfelag so væl sum møguligt. Latið okkum fremja neyðugu nýskipanirnar fyri at fáa Føroyar framá - nú
.
Kristina Háfoss, løgtingsvalevni hjá Tjóðveldi
Les meira um hjartamál, meiningar, familju og mangt annað á heimasíðu míni: www.kristinahafoss.fo