Eg eiti Gudny Vang. Eg eri 48 ára gomul og búgvi í Fuglafirði saman við manni mínum Palli Vang og yngstu dóttur okkara, Katrina, sum er 19 ára gomul. Vit eiga 3 børn. Nina, ið býr í Keypmannahavn við manni og 3 børnum, og Sigmundur, ið býr í Ålborg við konu og 3 børnum.
Eg eri úr Oyndarfirði, elst av 4 systkjum. Eg gekk í skúla í Oyndarfirði, til eg fór út á Strendur at ganga framhaldsdeild. HF-prógvi er tikið á Kambsdali, men eg fekk eisini loyvi at uppliva fyrra árið í Gøtugjógv.
Eg eri útbúgvin matvøruverkfrøðingur frá Landboháskúlanum í Keypmannahavn, og havi arbeitt í ali- og fiskivinnuni síðani 2001.
Mítt størsta politiska áhugamálið eru einar sjálvstøðugar Føroyar fyri okkum øll.
Eg brenni fyri umhvørvinum. Eg brenni eisini fyri einum sterkum vinnulívið, sum fær tryggar karmar at arbeiða undir. Eg ynski at vísa á at vinnulív og umhvørvi eru ikki mótsetningar, men samantvinnaði, just sum vinnulívið og almennu Føroyar eru.
Til løgtingsvalið hesuferð ynski eg at varpa ljós á bústaðaravbjóðingar, á føroyska málið og á vælferðarsamfelagið sum heild, sum er undir pressi.
Álit og samstarv eru lykaorðini í mínum gerandisdegi, sum eg beri við mær í øllum eg takist við.
Um meg sjálva:
Fødd: 11.08.1974
Foreldur: Hervør og Sigmund Rasmussen
Hjúnafelagi: Palli Vang
Børn: Nina Mikkelsen, Sigmundur og Katrina Vang
Útbúgving: Matvøruverkfrøðingur frá Landboháskúlanum í Keypmannahavn
Yrki: Serligur Ráðgevi hjá Bakkafrost
Álitisstørv:
Býráðslimur í Fuglafjarðar Kommunu frá 2020
Limur í Vinnu- og Havnanevndini
Limur í Mentanarnevndini
Skúlastýrislimur í Fuglafjarðar Skúla frá 2013 til 2019
Fyrstu 4 árini sum forkvinna í Skúlastýrinum
Styrislimur í Vinnuframa frá 2017
Nevndarlimur í iNOVA frá 2017
Nevndarlimur í Fiskaaling frá 2014 til 2017
Heimstaður: Mirmansvegur 18, 530 Fuglafjørður
Fartelefon: 283860
Email: gudny@frigg.fo
