Fyri skjótt trimum árum síðani valdi eg fyri fyrstu ferð at stilla upp í politikki, og eg varð valdur í Tórshavnar býráð. Hesa stóru álitisváttan havi eg tikið í fullum álvara, og hevur hetta eisini verið ein sera stór og avbjóðandi uppgáva.
Í býráðnum siti eg í vinnunevndin, byggi- og býarskipanarnevndini og í økisnevndini. Hendan tíðin í býráðnum hevur givið mær so mikið av politiskum royndum, at eg nú havi valt at fara eitt stig víðari – upp í landspolitikk.
Í landspolitikki fari eg at arbeiða fyri at fáa Føroyar politiskt stálvstøðugar, búskararliga sjálvbjargnar, sosialt rættvísar, vinnuliga fjølbroyttar, útbúgvingarliga og mentanarliga sterkar.
Vit skulu fremja okkara egnu føroysku loysnir í einum nútímans samfelag, har vit hava álit á og virðing fyri egnum tilfeingi, og at vit kunnu menna okkara egnu førleikar.
Álitið á politisku skipanina má endurnýggjast. Verður mær víst álit til løgtingsvalið 1. sept., so fari eg at gera mítt til at endurreisa álitið í politisku skipanini í Føroyum.
Jákup Dam, listi E