Almennur fundur um fullveldissamráðingarnar
Hvat kom burtur úr fullveldissamráðingunum, og hvussu upplivdu tey, ið samráddust, støðuna? Tað verður viðgjørt á tiltaki í Klaksvík leygardagin 24. apríl.
Anfinn Kallsberg, fyrrv. løgmaður, Høgni Hoydal, fyrrv. landsstýrismaður, Karsten Hansen, fyrrv. landsstýrismaður og Helena Dam á Neystabø, fyrrv. landsstýriskvinna, vóru øll við í samráðingunum, og fara at greiða frá, hvussu tey upplivdu samráðingarnar.
Í fjør vóru 20 ár síðani fullveldissamráðingarnar, og tí skipar Norðoya Tjóðveldisfelag fyri tiltaki, har tey, ið stóðu á odda í samráðingum, fara at greiða frá sínum upplivingum.
Tiltakið verður í Bøgøtu 3 leygardagin 24. apríl frá kl.16 til 18.
Øll eru vælkomin
