Havi altíð havt serstakan áhuga fyri rættartrygd og sosialum viðurskiftum hjá einstaklingum. Havi bæði gjøgnum mítt arbeiðslív og sum hjásiti í míni frítíð fingist nógv við at leiðbeina fólki, ið á onkran hátt hava rent seg fastan í t.d. almannaverkinum. Almenn fyrisiting hevur mín stóra áhuga.

Politiskt er eingin ivi um, at tað eru almannamál, ið liggja hjarta mínum næst.

Havi stóran áhuga fyri øllum viðurskiftum, ið ávirkan hava á børn - antin tað eru barnaverndarmál, mál um børn við serligum tørvi, skúlamál ella trivnaðarmál yvirhøvur.

Havi fingist við viðurskifti hjá fólki, ið bera brek - m.a. við atliti til "rúmliga arbeiðsmarknaðin."

Annað hjartamál hjá mær eru viðurskifti hjá fyritíðar- og fólkapensjónistum.

Hevur tú spurningar ella viðmerkingar til mín, ert tú vælkomin at útfylla oyðublaðið niðanfyri.

Navn  Teldupostur  Fyrispurningur