Valsigur!
Til tey 7238 tjóðveldissinnaðu, sum valdu flokkin – takk fyri! Til tykkum 118 kring landið, og serliga tykkum 89 í Fuglafirði, sum valdu meg persónliga – túsund takk fyri! Lat okkum nú vóna, at Tjóðveldi sleppur í samgongu, og at frælsishugsjónin og ábyrgdarpolitikkurin vinnur frama.
Við tjóðveldiskvøðu
Kristina Berg
Frælsi og ábyrgd eru framtíðin
Eg stilli upp til løgtingsvalið fyri Tjóðveldi, tí eg ynski at Føroyar gerast ein sjálvstøðug tjóð, sum torir at taka fulla ábyrgd av øllum, sum viðvíkur okkum sjálvum. Vit skulu gerast før fyri at samstarva á jøvnum føti við onnur lond og samtøk. Føroyar skulu vera eitt samhaldsfast samfelag í menning, har okkara egna fólk ynskir at vera verandi ella koma aftur til.
Vit skulu hava javnstøðu og størri fjølbroytni á løgtingið. Vit skulu hava bæði kvinnur og menn, ung og eldri, akademikarar og arbeiðarar, handilsfólk og fiskimenn at umboða margfeldni í okkara samfelag.
Hjartamál 2: Okkara samleiki
Um meg sjálva
Eg eri fødd 29. juni 1969. Foreldur míni eru Kjartan Kristiansen og Ingigerð á Trøðni.
Maður mín eitur Jóan Petur Berg og er býargartnari í Fuglafirði.
Saman hava vit trý børn: Sunniva (1994), Kjartan (1998) og Selma (2002). Tey eru øll trý fødd í Danmark, hava búð í Havn og trívast nú í Fuglafirði.
Eg havi lisið enskt og heimspeki við Syddansk Universitet í Odense, har vit eisini búðu í 11 ár. Var hjálparlærari í grammatikk, arbeiddi í VISL-verkætlanini og var MFS-umboð í Odense eitt skifti.
Eg starvist sum lærari í enskum á Handilsskúlanum og Studentaskúlanum á Kambsdali. Harumframt havi eg eisini umsetingarfyritøkuna Pronoun.
Vit fluttu til Fuglafjarðar fyri einum ári síðani, og her er sera gott at vera! Hugnaligur býur, fryntlig fólk og góð skúla- og frítíðartilboð.
Politisk áhugamál: Skúlaverkið, frá fólkaskúla til fróðskaparsetur, mentan, ferðavinna og umhvørvi.
spurt og svarað