Bárður G. Nielsen nýggjur formaður í Suðuroyar Tjóðveldisfelag
Suðuroyar Tjóðveldisfelag hevði aðalfund í Hovs Skúla leygardagin tann . Nógv fólk møttu til aðalfundin. Á aðalfundinum varð nýggj nevnd vald og varð Bárður G. Nielsen valdur sum formaður.
Umframt nevndarval, var eisini kjak um støðuna í Suðuroynni og um landspolitisku støðuna.
Nevndin í Suðuroyar Tjóðveldisfelag er nú mannað soleiðis:
Bárður G. Nielsen (formaður), Sirið Brattaberg Evaldsdóttir, Dennis Holm, Finnbjørn Hovsgarð, og Anna Brattaberg Samuelsen.
