Flaggdagshugni í Miðstovuni í Klaksvík
Týsdagin eru 77 ár liðin síðan, Merkið varð viðurkent, og hetta fara vit at hátíðarhalda við einari hugnaligari kafe í Miðstovuni í Klaksvík kl. 19, har øll eru vælkomin. Norðoya Tjóðveldisfelag skipar fyri.
Á kafeini fara Katrin Kallsberg og Jógvan Ravnsfjall at halda røðu. Eisini verða tónleikur og sangur á skránni. Sum altíð verður eisini høvi til at fáa sær eitt hugnaligt, politiskt prát.
Vit bjóða kaffi og kaku, og til ber at tekna seg sum lim og gjalda limagjald.
