Valið 1. september verður eitt tað mest avgerandi nakrantíð. Tí valið stendur í stóran mun millum at halda áfram við verandi samgongu, ið hevur framt ein tann mest sambandssinnaða og ósosiala politikkin nakrantíð – ella eina nýggja og savnandi kós fyri land og fólk.
Listin yvir alarmerandi átøkini hjá hesi samgonguni – millum Fólkaflokkin, Sambandsflokkin og Miðflokkin – er langur. Millum mongu málini eru hesi.
Helst mest sambandssinnaði politikkur nakrantíð:
– Hækkað ríkisveitingina.
– Avtikið Landsbanka Føroya.
– Tømt Búskapargrunn Føroya.
Helst mest ósosiali politikkur nakrantíð:
– Søguliga stóra pensjónsskattahækking upp í 40% frá fyrstu krónu, hevur rakt láglønt serliga hart.
– Undirgravað framtíðar vælferðarsamfelagið við at brúka framtíðar pensjónsskatt í dag.
– Økt ójavnan munandi við at lata flatskattalætta upp í 7000 kr. um mánaðin til hálønt, men pensjónsskattarokning til láglønt.
Økt skuld við omanfyri 1 mia. kr. og brúkt 1 mia. av framtíðar pensjónsskattainntøkum:
– Undirgravað fíggjarliga haldførið hjá landskassanum.
– Økt landsins skuld við omanfyri 1 mia. kr.
– Brúkt 1 mia. kr. av framtíðar pensjónsskatti umvegis forskatting.
Undirgravað álitið á landsins leiðslu:
– CIP Skálafjarðatunnilsmálið, ið mundi kostað samfelagnum eina eyka milliardaútreiðslu.
– Avlurtingarpakkin partvíst settur í verk.
– Misálitsvekjandi framferð í sambandi við avtøku av Landsbankanum , forskattingina og flatskattalættan.
– Sagt ósatt fyri Løgtinginum – men onga avleiðing.
Manglandi nýskipanir:
– Ongin fiskivinnunýskipan.
– Ongin heilsunýskipan.
– Ongin skúlanýskipan.
– Ongin nýskipan av miðfyrisiting.
– Ongin pensjónsnýskipan – bert tvungin uppsparing og søguliga stór pensjónsskattahækking.
Latið okkum saman seta nýggja og savnandi kós
Tjóðveldi vil seta kós móti einum sjálvbjargnum Føroyum, seta í verk mennandi nýskipanir og fremja ein politikk, ið er til fyrimuns fyri alt fólkið – bæði okkum sum her eru, okkara børn og komandi ættarlið. Les hvussu her: http://www.tjodveldi.fo/?page_id=90
Latið okkum saman tryggja, at alarmerandi avrikslistin ikki gerst longri. Vel eina nýggja og savnandi kós fram móti einum sjálvbjargnum Føroyum – og at endurreisa álitið á landsins leiðslu.
Hetta ber til við tínum stuðli 1. september.
Kristina Háfoss
Løgtingsvalevni fyri Tjóðveldi